CILËT JEMI ?

Prej kohësh, alarmi global nga shifrat e larta të fataliteteve nga aksidentet rrugore, ka nxitur hartimin dhe ekzekutimin e politikave të ndryshme për parandalimin e tyre, si dhe duke mbështetur nisma për edukimin dhe rritjen e ndërgjegjësimit të njerëzve mbi sigurinë rrugore, si një përpjekje e përbashkët e institucioneve shtetërore, organizatave kombëtare e ndërkombëtare, subjekteve e deri te përdoruesit e rrugës për të garantuar rrugë më të sigurta.

Të motivuar e të përkushtuar për të përmirësuar kulturën automotive e për të sjellë një frymë ndryshimi në përqasjen e drejtimit të mjetit dhe të njohjes e respektimit të rregullave të qarkullimit rrugor në Shqipëri, prej vitit 2020, si Drejtoria e Përgjithshme e Shërbimeve të Transportit Rrugor, kemi ndërmarrë një sërë nismash të cilat i përgjigjen fushatës për planifikim-veprim mbi sigurinë rrugore.

Në fokusin tonë të shërbimit dhe veprimtarisë përpos të tjerash, përfshihen gjithashtu:

• Testimi i njohurive teorike dhe praktike për drejtimin e mjetit dhe pajisjen e drejtuesve të rinj të mjeteve me lejen e drejtimit dhe dokumentet e tjera të nevojshme për të udhëtuar me mjet;
• Edukimi dhe rritja e ndërgjegjësimit për sigurinë rrugore nga drejtuesit e mjeteve, por edhe nga përdoruesit e tjerë të rrugës.
• Shkolla të cilat janë të orientuara drejt rrymës profesionale, mund të marrin një shërbim më të dedikuar duke aplikuar në website zyrtar.
• Së shpejti do të hapet edhe kompleksi Automoto Park Albania, në të cilin do të ketë hapësirë për trajnime të ndryshme si Akademi Motosporti, Akademi e edukimit mbi sigurinë rrugore, pistë offroad, etj.